Över uns

PLATTRADIO hett in schreven un spraken Wöör Plattdüütsch bruukt. Blangen de journalistischen Standards, de in frie’e Demokratien gellen doot, hett de Redakschoon na hoge Qualitätsstandards arbeidt, wat de Spraak an sik angeiht. Dorto höör, dat de plattdüütsche Spraak utbuut worr, woneem dat nödig weer. Adressaten weren Sprekers vun dat Nedderdüütsche un Lüüd, de de Spraak lehrt. PLATTRADIO hett maandags bet friedags vun Kl. 7.00 bet 8.00 op de Wellen vun den Apen Kanal Sleswig-Holsteen sennt. Achteran stünnen enkelte Bidrääg op de Siet plattradio.com. PLATTRADIO weer to finnen bi Instagram un Facebook un hett Narichten un Bidrääg ut de Reeg "Wöörkist" ok as Podcast bi Deezer, Spotify un anner Anbeders sennt. 

Ut dat PLATTRADIO-Leitbild

“Wi sünd apen för verscheden Kulturen un Spraken.

Wi beschickt uns journalistische Arbeit frie. Se deent nich de Interessen vun jichtenswelk Regerens, Organisatschonen oder enkelte Personen. Wo sik üm Themen streden warrt, laat wi verscheden Sieden to Woort kamen. Ut uns Arbeit treckt wi keen Vördelen för uns sülvst.

Wi pleegt Fründlichkeit, professionellen Anstand un Eernsthaftigkeit.”

Worüm PLATTRADIO?

PLATTRADIO is en Steed, an de de nedderdüütsche Spraak mit Bedacht un Respekt op ansehn Rebeten as Politik oder Weertschop bruukt warrt. De nödige Spraakutbu helpt dorbi, de Spraak för de Tokumst op Schick to bringen. Platt bemött opstünns en dubbelten Swund: De Sprekers warrt weniger un de Spraak dünnt ut dörch dat Övernehmen vun Formen ut de düütsche Spraak. PLATTRADIO verbetert den Status vun dat Plattdüütsche un levert bewusste Spraakvörbiller. Mit dat Warken gegen den dubbelten Swund deent PLATTRADIO de sleswig-holsteensche Billens- un Kulturpolitik, de sik as Maal sett hett, dat de Spraak an tokamen Generatschonen wiedergeven warrt.

De PLATTRADIO-Partners

- Dat sleswig-holsteensche Ministerium för Allgemene un beroopliche Billen, Wetenschop, Forschen un Kultur (www.schleswig-holstein.de) hett PLATTRADIO föddert.

- De Plattdüütsch Stiftung Sleswig-Holsteen (www.plssh.de) hett de technische Utstatten vun PLATTRADIO ünnerstütt.

- De NDR Sleswig-Holsteen (www.ndr.de/sh) harr Verlööfnis geven, dat PLATTRADIO Narichten, Berichten un O-Töön vun em för sien Wark bruken dörf.

- De Apen Kanal Sleswig-Holsteen (www.oksh.de) harr Senntiet un Produkschoonstechnik för uns Live-Sennen "Söven bet Acht" Maandag - Friedag Kl. 7.00 - 8.00 op all sien Wellen geven.

Klicken un de PLATTRADIO-Partners sehn!

PLATTRADIO is en Afdelen vun den Sleswig-Holsteenschen Heimatbund. Op dat Programm hett de Heimatbund keen Inwarken.

PLATTRADIO warrt föddert dörch dat sleswig-holsteensche Ministerium för allgemene un beroopliche Billen, Wetenschop, Forschen un Kultur.

PLATTRADIO arbeidt tohopen mit den Norddüütschen Rundfunk in Sleswig-Holsteen.

PLATTRADIO arbeidt tohopen mit den Apen Kanal Sleswig-Holsteen.

PLATTRADIO is bi de technische Utstatten ünnerstütt worrn vun de Plattdüütsch Stiftung Sleswig-Holsteen.

So kriegt Ji uns:

- Podcast: Morgennarichten vun Maandag bet Friedag op Deezer, Spotify un anner Plattformen.

- Websteed: All Bidrääg to'n Nalustern un Mitlesen op www.plattradio.com.

- Stream: Uns Sennsleep mit Bidrääg ut de verleden veer Weken baven anklicken op uns Startsiet www.plattradio.com oder direkt över ULR https://stream.plattradio.com/stream.mp3.

- "Söven bet Acht": Uns Live-Sennen Maandag bet Friedag Kl. 7.00 - 8.00 op de dree Höörfunkwellen vun den Apen Kanal Sleswig-Holsteen (www.oksh.de):

• In Kiel sennt Kiel FM, de Apen Kanal Kiel Hörfunk, op 101,2 Mhz un büdd op sien Siet www.okkiel.de en Livestream an. 
• In Lübeck kriegt Ji den Apen Kanal Lübeck op 98,8 Mhz över Antenn. Op 106,5 Mhz in't Kabelnett höört Ji em in Lübeck, Bad Sebarg und in'n Kreis Hertogdom-Loonborg. De Apen Kanal Lübeck büdd op sien Siet www.okluebeck.de en Livestream an.
• De Apen Kanal Westküst büdd op sien Websteed www.okwestkueste.de en Livestream an. Opto warrt he över veer terrestrische Frequenzen und in negen Kabelnetten spreedt:

De terrestrischen Frequenzen vun den Apen Kanal Westküst:

• 96,7 MHz
  Senner Wyk/Föhr – Sennleisten 40 W – Antennenhööchde 60 m
• 97,60 MHz
  Senner Gaarn – Sennleisten 500 W – Antennenhööchde 93 m
• 98,80 MHz
  Senner Husum – Sennleisten 30 W – Antennenhööchde 46 m
• 105,20 MHz
  Senner Heid – Sennleisten 50 W – Antennenhööchde 99 m

De Kabelnetten vun den Apen Kanal Westküst:

• 106,90 MHz
  Büsen
• 107,45 MHz
• Bruunsbüddel
• 107,45 MHz
  Friesstadt
• 107,45 MHz
  Heid
• 107,45 MHz
  Husum
• 94,30 MHz
  Lunnen
• 107,45 MHz
  Marn
• 104,75 MHz
  St. Peter-Ording
• 91,15 MHz
  Wesselburen

Tipp: Laadt Ju ut den App-Store de "Bürger senden"-App vun'n OKSH dal! Dor köönt Ji all dree Regionalprogrammen vun'n Apen Kanal heel komfortabel anstüern un live luustern.